12-16 мамыр аралығы репродуктивті денсаулық апталығы ретінде бекітілген

12-16 мамыр аралығы репродуктивті денсаулық апталығы ретінде бекітілген. Бұл апталық
халықтың репродуктивті денсаулығын қорғау және отбасын жоспарлау мәселелері бойынша ақпараттық-ағарту жұмыстарын күшейту мақсатында өткізіледі.

Іс-шара бейінді мемлекеттік органдардың, үкіметтік емес және халықаралық ұйымдардың қатысуымен Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен өтеді.

Репродуктивті денсаулық апталығы салауатты және ақпараттандырылған қоғамды қалыптастырудағы маңызды қадам болады. Бұл өзекті мәселелерге
назар аударуға және халықтың репродуктивті денсаулық мәселелері туралы хабардар болу деңгейін арттыруға мүмкіндік береді.

Осы апталыққа сәйкес Қызылтөбе-2 МСАКО гинеколог дәрігері — Г.Алешова емханаға келуші пациенттерге “Репродуктивті денсаулық” аптасы аясында түсінік жұмыстарын жүргізді.

#репродуктивтіденсаулық